Chelsea gjobitet sërish nga UEFA, totalja e penaliteteve arrin €34 milion

Chelsea është gjobitur me 3 milionë euro nga UEFA për shkelje të rregullave të kostos së skuadrës në sezonin 2025-26, duke rritur më tej presionin financiar mbi klubin londinez.

Sipas raportimeve zyrtare, “Blutë” kishin shpenzuar 80–90% të të ardhurave të tyre për kostot e skuadrës në sezonin 2024-25, duke tejkaluar kufirin prej 80% të vendosur nga UEFA. Për këtë shkelje fillestare, klubi u gjobit me 31 milionë euro dhe u vendos një marrëveshje 4-vjeçare monitorimi.

Në sezonin pasues 2025-26, UEFA ka ulur kufirin në 70%, por Chelsea sërish e ka tejkaluar atë, duke sjellë një tjetër gjobë prej 3 milionë eurosh, nga të cilat 1 milion janë të menjëhershme dhe 2 milionë të kushtëzuara.

Në total, Chelsea ka paguar deri tani 34 milionë euro gjoba dhe është pjesë e një marrëveshjeje të përgjithshme prej 80 milionë eurosh me UEFA-n, nga të cilat 60 milionë mbeten të kushtëzuara nëse klubi shkel sërish rregullat.

Sipas rregullave të vendosura, Chelsea nuk mund të regjistrojë lirshëm lojtarë të rinj deri në vitin 2027, përveç në rastet kur shet lojtarë për të balancuar shpenzimet.

Klubi londinez duhet të arrijë kufirin e 70% deri në sezonin 2026-27, përndryshe rrezikon penalitete të mëtejshme financiare dhe kufizime më të rënda në merkato.

Flaka