Donnarumma, heroi i Manchesterit – City i pathyeshëm me gardianin italian
Botuar nga Drin Zenku
Manchester City duket se ka bërë një nga lëvizjet më të zgjuara të merkatos së verës. Transferimi i Gianluigi Donnarummas nga Paris Saint-Germain në ditët e fundit të afatit kalimtar është shndërruar në një vendim strategjik që po jep rezultatet e para.
Që prej mbërritjes së tij në “Etihad”, skuadra e Pep Guardiolës është e pamposhtur dhe ka pësuar vetëm 3 gola, duke treguar një stabilitet të jashtëzakonshëm në prapavijë. Italiani ka sjellë siguri, refleksa të shpejta dhe lidership në zonën e tij, duke e bërë menjëherë të ndjehet si një pjesë kyçe e kampionëve të Anglisë.
Sipas raportimeve, Guardiola ka insistuar personalisht për afrimin e tij, duke e parë si pasuesin ideal të Edersonit. Dhe deri tani, vendimi i bordit të City-t për të investuar në portierin italian po rezulton një sukses i madh.
Donnarumma ka nënshkruar një kontratë afatgjatë me “qytetarët”, ndërsa në kontratën e tij janë përfshirë edhe bonuse të veçanta për ndeshjet pa gola të pësuar dhe arritje të tjera individuale.
Me këtë formë, tifozët e Manchester City-t e kanë pagëzuar tashmë si “Heroi i Manchesterit”, ndërsa Guardiola ka një arsye më shumë për të besuar se skuadra e tij mund të dominojë sërish në Angli dhe Europë.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
