Ekspertët: Rreshti i fundit i avionit, më i pakëndshmi për udhëtarët

Nëse po planifikoni një udhëtim të qetë dhe komod me avion, ekspertët e udhëtimeve paralajmërojnë se rreshti i fundit nuk është zgjedhja më e mirë. Pasagjerët që ulen në pjesën e pasme të avionit shpesh përballen me më shumë zhurmë, hapësirë të kufizuar dhe turbulenca më të forta.

Andrea Platania nga kompania Transfeero shpjegon se rreshti i fundit është më pak i preferuar për shkak të mungesës së pjerrësisë së sediljeve, afërsisë me tualetet dhe nivelit më të lartë të zhurmës. Ajo shton se edhe vendet e mesit janë më pak të pëlqyera, përveçse kur udhëtohet në grup.

Edhe Nicholas Smith nga Thomas Cook Holidays thekson se pjesa e pasme ndien më shumë lëkundjet gjatë turbulencave, ndërsa shërbimi i ushqimit është më i ngadalshëm dhe me zgjedhje më të kufizuara. Ai rekomandon që udhëtarët nervozë të zgjedhin vende pranë krahëve të avionit, ku udhëtimi është më i qëndrueshëm.

Blogerja e udhëtimeve Izzy Nicholls shton se vendet në fund janë më të zhurmshme për shkak të motorëve dhe aktivitetit të ekuipazhit, ndërsa pasagjerët në ato radhë zbresin gjithmonë të fundit.

Ndërkohë, kompania Virgin Australia ka prezantuar opsionin e ri “Neighbour-Free Seating”, që u lejon pasagjerëve të rezervojnë vendin bosh pranë tyre për rreth 30 dollarë australianë, duke shtuar komoditetin për ata që duan më shumë hapësirë dhe privatësi gjatë fluturimit.

Flaka