Fisnik Asllani mban gjallë ëndrrën e Hoffenheim për Champions League
Botuar nga Drin Zenku
Sulmuesi i Hoffenheim, Fisnik Asllani, ka folur pas fitores minimale 1-0 ndaj Werder Bremen, një rezultat që e mban ende gjallë shpresën e skuadrës për kualifikim në UEFA Champions League sezonin e ardhshëm.
Hoffenheimi mori tri pikë shumë të rëndësishme në javën e 33-të të Bundesliga, falë golit të shënuar nga Bazoumana Toure në minutën e 26-të, duke u ngjitur në vendin e pestë me 61 pikë – po aq sa VfB Stuttgart në pozitën e katërt.
Me vetëm një ndeshje të mbetur, Hoffenheimi vazhdon të ëndërrojë top 4, por duhet jo vetëm të fitojë, por edhe të shpresojë në një hap fals të rivalëve të tyre.
Pas ndeshjes, Asllani u shpreh optimist por edhe kritik për paraqitjen e skuadrës, duke theksuar se mungesa e golit të dytë e bëri ndeshjen më të vështirë sesa duhej të ishte.
“Ëndrra për Champions League është ende aty”, tha ai, duke shtuar se skuadra duhet të jetë më e kujdesshme në ndeshjet e ardhshme dhe të fokusohet vetëm te vetja.
Sulmuesi gjithashtu komentoi se Hoffenheimi nuk e menaxhoi si duhet avantazhin numerik në fushë, pasi kundërshtari u mbrojt mirë dhe luajti me kundërsulme.
Në fund, Asllani konfirmoi se ndeshja e fundit do të jetë vendimtare për objektivat e sezonit, ndërsa për të ardhmen e tij pritet të ketë zhvillime në verë, me interesim nga klube të mëdha si FC Barcelona, FC Bayern Munich dhe Borussia Dortmund.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
