Gjykatësi Nanev nuk u paraqit para këshillit gjyqësor për t’u përgjigjur pse foli 95 herë me një të pandehur në një çështje që ai drejtonte

Dhe si shembull mund të jetë seanca e sotme publike në këshillin gjyqësor, se si është situata në gjyqësor, ku gjykatësi Lazar Nanev nuk është paraqitur fare për t’u përgjigjur pse ka folur 95 herë me të akuzuarin në një rast që ai e ka udhëhequr, përcjell FLAKA.

Në seancën e sotme, Nanevi është dashur të gjykohet për pretendimet se funksionin e tij gjyqësor e ka kryer në mënyrë joprofesionale dhe të papërgjegjshme. Seanca ishte publike pikërisht me kërkesë të vetë gjyqtarit. Kryetarja e komisionit, Loreta Georgieva, informoi se Nanevi e ka pranuar ftesën më 8 shkurt, por nuk ka dërguar asnjë njoftim në këshillin gjyqësor deri në fillimin e seancës së sotme.

Siç tha Georgieva, gjykatësi Nanev vetëm dërgoi prova në lidhje me temat për përgjegjësinë e tij dhe shkroi se do ta jepte deklaratën gojarisht sepse “ky koncept ka kuptim dhe mund të përdoret vetëm me deklaratë gojore”.

Në të njëjtën kohë, Nanev kërkoi që t’i lejohet të thërrasë përfaqësuesit e bashkësisë ndërkombëtare dhe diplomatike dhe organizatave joqeveritare për të pasur një pasqyrë “për përhapjen e gënjeshtrave dhe të pavërtetave”.

Duke pasur parasysh se seanca e parë e korrikut të këtij viti në të cilën u diskutua për përgjegjësinë e Nanevit u shty, pasi gjyqtari njoftoi se ai po trajtohej në spital, sot anëtarët e komisionit konstatuan se seanca mund të mbahet, aq më tepër që Nanevi nuk paraqitet para këshillit gjyqësor, ai nuk ka paraqitur asnjë provë për trajtimin e tij dhe pushimin mjekësor që ka përdorur.

Kërkuesi, gjyqtarja Antoineta Dimovska, tha se Lazar Nanev me dashje apo pa dashje ka bërë një gabim të madh profesional kur si gjyqtar ka komunikuar me telefon me të akuzuarin Vanço Kuzmanov në rastin e falimentimit të kompanisë. FLAKA