Hakan Fidan përsëri vjen në Shkup! Ja detajet

Ministri i Punëve të Jashtme të Türkiye, Hakan Fidan, pritet që nesër përsëri të vjen në Shkup. Burime brenda qeveritare që i ka siguruar TV Shenja, thonë që delegacioni turk i kryesuar nga Hakan Fidan, gjatë vizitës së tij dyditore në vendin tonë, pritet që të realizoj takime zyrtare me përfaqësues të lartë shtetëror.

Kështu, parashihet që Ministri i Jashtëm Turk, të realizon takim dypalësh me homologun e tij, Timço Mucunski, kryeministrin e vendit, Hristijan Mickoski, kryetarin e Kuvendit, Afrim Gashi dhe përfaqësues të sektorit civil.

Në takimet dypalëshe mes Maqedonisë së Veriut dhe Republikës së Turqisë, po ashtu do të diskutohet thellimi i bashkëpunimeve mes dy shteteve mike, në shumë sfera, si në aspekt politik, ekonomik dhe kulturor, ndërkaq si temë diskutimi në agjendën e Fidanit, përflitet që delegacioni turk me përfaqësues të vendit tonë, do të flasin edhe për fushëveprimin e organizatës FETO në RMV dhe rajon. Se a do të kërkohet mbyllja e shkollave të tyre në Maqedoninë e Veriut, apo përfaqësuesve shtetëror do t’ju dorëzohet lista e emrave që kanë lidhje me këtë organizatë, kjo mbetet të shihet gjatë takimeve bilaterale mes dy vendeve.

Kryediplomati turk, Fidan, pas përfundimit të takimeve zyrtare në vend, sipas paralajmërive tona – do të realizon edhe një vizitë zyrtare në Kosovë./TVSHENJA