Jurgen Klopp: “Refuzova Manchester Unitedin në 2016, nuk ishte projekt për mua”

Jurgen Klopp ka bërë një rrëfim të sinqertë mbi një nga momentet më të rëndësishme të karrierës së tij. Trajneri gjerman ka zbuluar se në vitin 2016 refuzoi ofertën e Manchester United, pasi nuk u bind nga vizioni i klubit.

“Më thanë disa gjëra në atë takim që nuk më pëlqyen: Do t’i marrim lojtarët që dëshiron, atë, atë dhe atë. Po qëndroja aty dhe mendoja: ky nuk është projekti im. Nuk doja që ta merrja në ekip prapë Paul Pogban. Apo Cristiano Ronaldo. Zoti im, të gjithë e dimë se ai është lojtari më i mirë së bashku me Messin, por kthimi i lojtarëve nuk ndihmon kurrë”, tha Klopp.

Sipas tij, ideja e United ishte të sillte emrat më të mëdhenj të futbollit, por jo të ndërtonte një projekt të qëndrueshëm. Klopp theksoi se kjo filozofi nuk përputhej me mënyrën e tij të punës, e cila bazohet në zhvillimin e skuadrës dhe krijimin e një identiteti të fortë futbollistik.

Pak muaj më vonë, Klopp mori drejtimin e Liverpoolit, ku ndërtoi një prej skuadrave më të suksesshme të dekadës së fundit, duke fituar Premier League, Champions League, FA Cup dhe shumë trofe të tjerë.

Ky rrëfim tregon se si një vendim i vetëm mund të ndryshojë historinë e futbollit anglez: Klopp mund të kishte qenë në stolin e United, por zgjedhja e tij për Liverpoolin e bëri një ikonë të “The Reds”.

Flaka