Mandarina – më shumë se një frut i shijshëm

Mandarinat janë ndër frutat më të dashura të stinës, të njohura për tulin e tyre të lëngshëm dhe aromën karakteristike. Një mandarinë mesatare përmban 31% të dozës ditore të vitaminës C, duke ndihmuar në forcimin e sistemit imunitar dhe luftimin e infeksioneve.

Por vlera më e veçantë e këtij fruti qëndron në lëkurën e tij, e cila shpesh hidhet pa u menduar.

Pse nuk duhet ta hidhni lëkurën e mandarinës?

Sipas studimeve të publikuara nga Journal of Agricultural and Food Chemistry, lëkura e mandarinës përmban 20 herë më shumë antioksidantë se vetë lëngu i frutit. Këto substanca ndihmojnë në:

• Uljen e kolesterolit të keq (LDL)
• Pastrimin e mëlçisë
• Balancimin e sheqerit në gjak
• Lehtësimin e simptomave të gripit, stresit dhe të përzierave tek gratë shtatzënë

Ekspertët kinezë e përdorin lëkurën e mandarinës jo vetëm në çaj, por edhe në gatime tradicionale për të përmirësuar tretjen dhe për të qetësuar organizmin.

Si të përgatisni çajin e lëkurës së mandarinës

1. Hiqni lëkurën e mandarinës dhe lëreni të thahet në një vend të freskët dhe të errët.
2. Ruajeni në një enë qelqi me kapak të mbyllur mirë.
3. Për çaj, përdorni copa të vogla të lëkurës së thatë.
4. Vendosini në një filxhan dhe hidhni ujë të nxehtë.
5. Lërini për disa minuta dhe shtoni mjaltë sipas dëshirës.

Ky çaj mund të kombinohet edhe me çaj të zi për një efekt më të fortë qetësues dhe pastrues.

Flaka