Miteva: Filipçe të përgjigjet, a e ka fshehur kompaninë nga Bullgaria për të mos hyrë në marrëdhënie me Medical420, nga e cila po zhdukeshin narkotikët e kapur në një operacion ndërkombëtar

Rruga Goce Dellçev 12, Petriç është adresa rreth së cilës rrotullohen miliona Zaevi dhe Filipçe. Kjo është adresa që Venko Filipçe ka dashur ta fshehë nga publiku kur nuk e ka regjistruar kompaninë e tij të themeluar në Bullgari, tha në konferencën e sotme për media, zëdhënëse, deputete dhe anëtare e KE të VMRO-DPMNE-së, Marija Miteva, përcjell FLAKA.

Përkatësisht, adresa në të cilën është regjistruar kompania e Venko Filipçes në Bullgari është adresa në të cilën paraprakisht janë regjistruar një sërë kompanish të familjes së Zaevit, ndër to më e njohura është Medical 420 BG.

Medical 420 BG është kompania në filialin e së cilës në Manastir në vitin 2022 janë gjetur lëndë narkotike në vlerë prej 800 mijë eurosh, ndonëse të njëjtës kompani një vit më parë i është hequr licenca.

Kjo kompani në Maqedoni ka marrë licencë për prodhimin e marihuanës nga qeveria e Zoran Zaevit, i cili me heqjen e licencës e ka përjashtuar veten nga vendimmarrja, duke shpjeguar se është për interesin e tij privat apo të një personi të afërt.

Kompania për të cilën Zaev konfirmoi se ai ose një person i afërt ka interes është kompania nga e cila ka ardhur pjesa e marihuanës që u sekuestrua në një aksion të Agjencisë DEA në Pletvar. Në atë aksion u arrestuan shoferi personal i Trajçe Zaevit dhe një komandant policie.

Lidhur me këtë skandal, televizioni shqiptar Ora njoftoi se ka përgjuar biseda që tregojnë se zyrtarë të lartë të koalicionit qeverisës në Maqedoni në atë kohë kanë ndërhyrë drejtpërdrejt për të parandaluar një operacion të suksesshëm kundër kontrabandës së drogës të ndërmarrë nga një agjenci e huaj. Televizioni më pas njoftoi se i përfshirë ishte edhe Trajçe Zaev, kushëriri i ish-kryeministrit.

Kjo ishte LDS dhe si qeverisnin. Kjo LDS tani ende drejtohet nga të njëjtët njerëz, i njëjti rreth i ngushtë dhe kompani të vendosura në të njëjtën adresë.

Venko Filipçe është i detyruar të përgjigjet, a e ka fshehur kompaninë në Bullgari nga pyetësori, për të mos u lidhur me Medical 420, nga e cila po zhdukej marihuana, e kapur në një operacion ndërkombëtar për të shtypur trafikun e drogës”, pyeti Miteva në konferencën e sotme. FLAKA