Pacientët me kancer sërish pa terapi

Pacientët me kancer gjiri mbeten sërish në pritje për të parë nëse dhe kur do të marrin ilçet. Klinika Universitare e Onkologjisë po përballet me mungesë të barit “Zoladex”, i cili merret për një periudhë të caktuar. Drejtori i ri, dr. Igor Stojkovski, thotë se po punojnë për zgjidhjen e problemit që sa më shpejt të arrijë te pacientët, përcjell FLAKA.

Dr. Igor Stojkovski – Drejtor: “Ka pasur mungesë të barnave për shkak të rritjes së konsumit nga njëra anë dhe nga ana tjetër që pacientët e brendshëm që merrnin terapi Zoladex dërgoheshin në Klinikën Universitare për Radioterapi dhe Onkologji për të vazhduar trajtimin. Për momentin jemi në kërkim të shërbimeve të prokurimit publik dhe shpresoj t’i gjejmë shpejt një zgjidhje problemit”.

Përveç mungesës së barnave, klinika po përballet edhe me mungesë të rëndë të stafit. Drejtori thotë se punësimet e reja do të jenë ndër prioritetet e tij për t’iu përgjigjur nevojave të pacientëve.

Pacientët nga qytete tjera, të cilët janë të detyruar të udhëtojnë drejt kryeqytetit, apelojnë që të sigurohen kushte për trajtim në spitalet rajonale.

ANKETË:

“Në Shtip kanë ndërtuar një klinikë kaq të madhe dhe nuk e kanë përfunduar. Do të jetë shumë mirë nëse bëhet. Radovishi, Koçani, Probishtip, të gjithë vijnë këtu në Shkup në vend të Shtipit dhe ky është problemi më i madh. Po të ndërtohet ajo klinikë atje, me onkologji nëse ka, do të jetë gjë e bukur”.

“Në Manastir thonë se ka një qendër të tillë, por nuk funksionon, Shtipi nuk funksionon, vetëm këtu dhe është mirë që edhe përkundër kësaj mjekët dhe infermierët ende po arrijnë, lavdi për ta, ne u jemi shumë mirënjohës. Ata, njerëzit janë duke pritur, por ka vetëm pak mjekë dhe nuk mund të na presin të gjithë menjëherë”.

“Le ta bëjnë spitalin shtetëror, nuk ka ku të parkohet, nuk ka mjekë, është kaos. Mendoj se kjo qeveri duhet të merret fillimisht me këtë, sepse kjo na duhet të gjithëve, për të gjithë Maqedoninë, sepse të gjithë të sëmurët vijnë këtu, duhet të merren me këtë sa më shpejt që të jetë e mundur, e pastaj me gjithçka tjetër”.

Ministri i Shëndetësisë Taravari në TV 24 ka paralajmëruar rajonalizimin e qendrave onkologjike, në mënyrë që pacientët të marrin terapi në spitalet rajonale dhe të mos kenë nevojë të udhëtojnë në Shkup.

Arben Taravari – Ministër i Shëndetësisë: “Ne do të gjejmë një zgjidhje. A mund të jepen citostatikë në Tetovë, Shtip dhe Manastir që të mos bëhet një turmë e tillë në klinikë, a mund të organizojmë mjekë të caktuar që të shkojnë një herë në javë në Shtip, një javë në Manastir, pastaj në Tetovë, të paktën ku çfarë jane klinikat ambulatore apo “8 Shtator” ta aktivizojme edhe pak, qe te mos kete turme se jane katastrofe fotot qe shoh nga Onkologjia”.

Spitali i qytetit “8 Shtatori” ka ndërtuar një spital ditor për kimioterapi dhe dy ambulanca, ka mjekë onkologë, por nuk ka ilaçe, prandaj ende nuk është vënë në funksion.

Përveç kësaj, ka edhe departamente onkologjike në Spitalin klinik në Manastir dhe në spitalet në Shtip dhe Tetovë, por në vend që të trajtohen më afër vendbanimit të tyre, pacientët nga këto rajone referohen në klinikën onkologjike në Shkup, ku vetëm në pacientët ambulatorë janë në dispozicion çdo ditë mbi 200 pacientë. FLAKA