Paqe mes Italisë dhe Belgjikës, Franca shpartallon Izraelin

Italia dhe Belgjika i kanë ndarë pikët në kuadër të përballjes në Ligën e Kombeve, përkatësisht Liga A.

Pas vetëm një minute lojë, Azzurët kaluan në epërsi me golin e Andrea Cambiasot.

Rezultatin për Italinë e dyfishoi Mateo Retegui, që u asistua nga Cambiaso në minutën e 24-të.

Por, vendasit mbetën me dhjetë lojtarë në fushë, pasi Lorenzo Pellegrini u përjashtua direkt me karton të kuq, pasi ndërhyrja e tij u rishikua në VAR dhe ishte e ashbpër.

Në minutën e 42-të, De Cuyper e ngushtoi rezultatin në 2-1, kur u asistua prej leandro Trosssard.

Trossard më pas doli në rolin e asistuesit, kur shëmoi për 2-2 në minutën e 61-të, me asistimin e Wout Faes.

Po në këtë grup, por me rezultat 4-1, Franca triumfoi përballë Izraelit.

Gjelat në epërsi i kaloi Edouard Camavinga në minutën e shtatë, ndërsa Randal Kolo Muani ishte asistuesi.

Mirëpo, Omri Gandelman (24’) i barazoi shifrat në 1-1, duke ndezur ndeshjen.

Gëzimi i tyre u ndal vetëm katër minuta më vonë, kur Christopher Nkunku realizoi një super gol me driblime mahnitëse.

Matteo Guendouzi realizoi për 3-1 në minutën e 87-të, ndërsa Bardley Barcelona e vulosi fitoren në 4-1 pas vetëm dy minutash.

Përkundër barazimit, Italia vazhdon si lider me shtatë pikë, Franca me një më pak, Belgjika me katër dhe Izraeli ende pa pikë. /Telegrafi/