Pse jemi kaq të ndryshëm nga vëllezërit dhe motrat? Psikologjia e identitetit familjar

Edhe pse rriten në të njëjtën familje, me të njëjtët prindër dhe ndajnë gjene të ngjashme, vëllezërit dhe motrat shpesh janë shumë të ndryshëm. Sipas psikologëve, kjo nuk është rastësi, por rezultat i një procesi të pavetëdijshëm psikologjik që ndihmon fëmijët të formojnë identitetin e tyre.

Ky fenomen njihet si “procesi i mosidentifikimit”, ku fëmijët përpiqen të dallohen nga vëllezërit e motrat për të gjetur një rol unik në familje. Nëse një fëmijë është “i zgjuari”, tjetri mund të jetë “argëtuesi” apo “artistik”. Këto role ndihmojnë fëmijët të fitojnë vëmendje dhe njohje prindërore, por shpesh janë të pavetëdijshme.

Sipas psikologjisë evolucionare, prindërit investojnë më shumë tek fëmijët që perceptohen si më premtues, gjë që ndikon në dinamikën e vëmendjes dhe mbështetjes. Për më tepër, kushtet familjare ndryshojnë me kalimin e kohës, duke bërë që çdo fëmijë të rritet në një mjedis të ndryshëm.

Një studim me mbi 19,000 pjesëmarrës, i publikuar në Psychological Bulletin, tregon se favorizimi prindëror mund të çojë në probleme me vetëvlerësimin dhe paqëndrueshmëri emocionale në moshë madhore.

Psikologët theksojnë se identiteti nuk është i pandryshueshëm. Në moshën e rritur, individët mund të rimendojnë rolin e tyre, të dalin nga krahasimet dhe të jetojnë në harmoni me veten, duke ndjekur vlerat dhe dëshirat e tyre.

Flaka