Shçezni: Nuk e prisja të mbetesha jashtë projektit të Juventusit

Pas 7 vitesh me fanellën bardhezi, portieri polak i ka dhënë fund aventurës me klubin torinez dhe i ka “varur dorezat në gozhdë”. Ai shpjegoi arsyet e kësaj zgjedhjeje,

“Këto 7 sezone me Juventusin kanë qenë një sfidë e vështirë personale. Kur ke aventurën e një jete dhe ia del kaq mirë, është ndjenjë e mrekullueshme. Do të kisha dashur ta ndihmoja skuadrën edhe këtë vit, por kjo nuk varej nga unë”.

Polaku shpjegoi se kishte pasur dëshirë të qartë për t’u larguar prej disa kohësh.

“Megjithatë, nuk prisja të zbuloja veten. Se nuk do të isha pjesë e projektit të ri, nuk e kisha imagjinuar kurrë. Fola me shumë sinqeritet me drejtorin sportiv Xhiuntoli në fillim të sezonit, kur u desh të diskutonim për rinovimin dhe Di Gregorio”.

Shçezni konfirmoi se zgjedhja për t’i dhënë fund aventurës së tij me Juventusin u bë vetëm këtë verë.

“Unë e respektoj Di Gregorion. Mund ta imagjinoja një skenar ku Perin donte të largohej dhe ai ishte i dyti. Pas përfundimit të sezonit të kaluar u binda që të qëndroj. E kisha dëgjuar lajmin e negociatave me ish-portierin e Monza, por nuk e prisja të mbetesha jashtë projektit. Kur marrëveshja u mbyll, atëherë diskutuam zgjidhjen e kontratës. Ishte një zgjedhje e bërë nga klubi, nuk isha dakord me të, por e pranova”.

Portieri konfirmoi se kishte klube që ishin interesante për të.

“Do të kisha dashur të luaja edhe një vit te Juventusi, sepse ndjeja se mund të jepja ende shumë. Pas Juventusit nuk isha gati për sfida të tjera. Edhe nëse nuk jam dakord me zgjedhjen e klubit, nuk jam penduar. Unë e respektoj Juventusin, ata gjithashtu treguan respekt ndaj meje gjatë verës. Do të mbetem një tifoz i Juventusit”.

Tani mund të rikthehet në fushë për herë të fundit me Poloninë.

“Nuk më pëlqen lamtumira. Po flasim me kombëtaren për mundësinë e zhvillimit të ndeshjes sime të fundit. Shpresoj gjithashtu të jem në gjendje të përshëndes Juven dhe tifozët bardhezinj në ‘Allianz Stadium’. Jemi duke e vlerësuar këtë hipotezë”.