Si të forconi imunitetin gjatë dimrit: këshillat e ekspertëve

Me fillimin e sezonit të ftohtë, shumë njerëz i drejtohen vitaminës C, mjaltit apo çajit me limon dhe xhinxher për të shmangur gripin. Por imunologët paralajmërojnë se shëndeti i zorrëve dhe një dietë e balancuar janë mbrojtja më e mirë.

Dr. Jenna Macciochi shpjegon se rreth 70% e sistemit imunitar ndodhet në zorrë, dhe për këtë arsye ushqimet e fermentuara si kos, kefir apo kimchi janë thelbësore. Po ashtu, vitaminat C, D dhe A, si dhe mineralet si zinku, hekuri dhe magnezi, duhet të jenë pjesë e përditshmërisë.

• Vitamina C: Një gotë lëng portokalli mbulon mbi 80% të nevojës ditore. Burime të tjera janë kivi, specat e kuq dhe manaferra.
• Kos & ushqime të fermentuara: Forcojnë mikrobiomën e zorrëve dhe ulin inflamacionin.
• Peshku yndyror & vitamina D: Salmoni, sardinat dhe vezët ndihmojnë trupin të luftojë infeksionet, sidomos kur mungon dielli.
• Ostrat & zinku: Një nga mineralet më të rëndësishme për imunitetin, i pranishëm edhe te bishtajat dhe farat.
• Mishi i kuq i ligët & proteina: Siguron hekur dhe vitamina B për prodhimin e qelizave të bardha të gjakut.

Ekspertët theksojnë se stresi, mungesa e gjumit dhe alkooli dobësojnë imunitetin, ndërsa një stil jetese aktiv dhe ushqimi i larmishëm e mbajnë trupin të fortë.

Flaka