Siljanovska-Davkova: Ne kemi ndërruar edhe pusetat, në Greqi nuk kam parë mbishkrim me Maqedonia e Veriut

Presidentja Gordana Siljanovska-Davkova sonte në “Vetëm Intervistë” në televizionin Kanal 5 foli për obligimet nga Marrëveshja e Prespës dhe se, sipas saj, Maqedonia i zbaton ato në kohën e duhur, por që Greqia jo, përcjell FLAKA.

“Kërkoj mirëkuptim, kemi Marrëveshjen e Prespës, ka ndryshuar Kushtetuta, kemi ndryshuar dokumente, kemi ndërruar edhe pusetat, është koha që pala tjetër të tregojë bashkëpunim. Litari ka dy skaje dhe zakonisht tërhiqet nga dy persona. Mendoj se jemi sjellë me shumë përgjegjësi ndaj Marrëveshjes së Prespës, i kemi përmbushur obligimet tona edhe pa skaduar afatet, por nuk jam i sigurt se Greqia e ka bërë këtë, aty do të shihni “Skopje”, “FYROM”, por jo Maqedoninë e Veriut, th Siljanoska Davkova.

Sipas saj, deklarata e Kotsias thotë se Greqia ka pasur obligim të veçantë t’i kujtojë BE-së, atyre në Këshill dhe në Komision, se duhet të hapim kapituj për zbatimin e Marrëveshjes së Prespës, sepse ne e kemi lidhur marrëveshjen me të.

Ajo theksoi se Greqia ose BE-ja duhet ta këshillojnë Bullgarinë, sepse pretendohet se nuk ka negociata për historinë, kulturën, trashëgiminë dhe gjuhën, dhe ne siç tha ajo, pikërisht këtë bëjmë në komisionet historike.

Sa i përket betimit, kur nuk e përmendi Maqedonia e Veriut, Siljanoska Davkova thotë se nuk e ka bërë për inat dhe as nuk ka dashur të mërzisë dikë, por është sjellë në mënyrë sokratike. Ajo tha se nuk e kishte vënë re që ambasadorja greke u largua nga inaugurimi, pasi siç theksoi ajo ishte e preokupuar me aktin.

“Nuk e kuptoj si nuk e kuptojnë disa që nuk mund të jesh racional me disa gjëra, ka një lidhje të pandashme mes zemrës dhe mendjes dhe këtë e them. Nuk dua të mërzis askënd, është pjesë e zakonit tim. Nëse për 60 vjet ka qenë gjithmonë Republika e Maqedonisë, kjo është ajo, jo se jam keqbërës, jam sjellë në mënyrë sokratike. Në Kodin Zgjedhor nuk është ndryshuar emri, thuhet Republika e Maqedonisë. Aty është thënë saktë betimi, emri është Republika e Maqedonisë. Doja të tregoja se mbiemri është mbiemër, dhe se ajo që është thelbësore është Maqedonia. Doja t’i përmbahesha Marrëveshjes së Prespës, neni 7, paragrafi 3 i së cilës shpjegon se kur mund të përdoret emri Maqedoni dhe pastaj mbiemri është gjithashtu logjik. Ndoshta për këtë ka kontribuar fakti që kryetari i Kuvendit përdori 25 herë termin “e Veriut” në më pak se pak minuta. Ajo logjikë për mua nuk është e qartë”, tha Siljanoska Davkova, duke theksuar se në shumë vende betimet shkruhet me fjalën republikë, si në Francë, e jo me emrin e shtetit.

Presidentja tha edhe një herë se nuk po e shkel Marrëveshjen e Prespës.

“Këto ditë dëgjoj se duhet të respektohen të dyja marrëveshjet, nuk po e prish marrëveshjen e Prespës, thotë që duhet të ndryshojmë dokumentet edhe pas hapjes së kapitujve të parë dhe të tjerë. Kush hap një kapitull, kush vendos për të? BE. A e tha dikush këtë? Greqia duhet ta kishte thënë. Jo vetëm që nuk hapëm një kapitull, por tani duhet të ndryshojmë Kushtetutën për të nisur negociatat. Asnjë nen në Marrëveshjen me Bullgarinë nuk thotë se duhet të ndryshojmë Kushtetutën. I thashë Macronit se teza e tij filozofike për BE-në është e jashtëzakonshme, por filozofia nuk mund të jetë pa parime dhe vlera. Në vetë marrëveshjet, BE-ja ka parashikuar sanksione nëse ndonjë anëtar shkel vlerat dhe parimet themelore. Pa vlera themelore nuk ka BE si filozofi e demokracisë”, nënvizoi Siljanoska Davkova.

Ajo është e vendosur se ajo dhe kryeministri Hristijan Mickoski nuk e interpretojnë ndryshe Marrëveshjen e Prespës.

Në Zvicër, në takimin me Mitsotakis, ajo tha se pret që të dy vendet të sillen në mënyrë të mirë fqinjësore dhe deklarata e Nimitz se duhet të jemi krenarë për emrin e ri ka krijuar konfuzion për të.

“Nimitz më krijoi konfuzion me deklaratën. T’i thuash dikujt të krenohet me emrin se nuk e ka zgjedhur vetë, sepse referendumi nuk ka qenë i suksesshëm, mendoj se është joetike”, tha Siljanoska Davkova.

E pyetur nëse nuk do ta thotë emrin Maqedonia e Veriut në pesë vitet e ardhshme, Siljanoska Davkova theksoi:

“Ju të gjithë e dini se unë jam presidente e këtij shteti që në Kushtetutë quhet kështu, pse ta përsëris? Vazhdojnë të thonë kolegët tanë grekë Republika Helenike? Unë i respektoj marrëveshjet. Nuk është e vërtetë që ne po i thyejmë, por dikush tjetër po i thyen”, përfundoi Siljanoska Davkova. FLAKA