Tharja e syrit: shkaqet, simptomat dhe kurat natyrale

Tharja e syrit është një problem shëndetësor që prek miliona njerëz në mbarë botën dhe ndodh kur sytë nuk prodhojnë mjaftueshëm lotë për t’u lubrifikuar siç duhet. Një nga shkaqet kryesore është përdorimi i tepërt i telefonave celularë dhe kompjuterave, por edhe faktorë të tjerë si udhëtimi me avion, ajri i kondicionuar apo ngarja e biçikletës.

Simptomat më të zakonshme përfshijnë:

• Ndjesinë e një lënde të huaj në sy
• Lodhje të syve
• Mjegullim të shikimit
• Djegie dhe kruarje

Kurat natyrale të rekomanduara nga ekspertët

• Acidet yndyrore omega-3 – të pranishme në peshk, fara chia dhe arra, ndihmojnë në stimulimin e prodhimit të lotëve.
• Vaji i arrës së kokosit – lufton inflamacionin dhe zbut zonën rreth syve; aplikohet me masazh të lehtë për disa minuta.
• Feta kastraveci – vendosini mbi sy për 15 minuta për të reduktuar skuqjen dhe kruarjen; kastraveci është i pasur me vitaminë A.
• Kosi – i pasur me vitamina D, B dhe A, ndihmon në ushqimin e syve dhe reduktimin e simptomave.
• Kompresa të ngrohta – mbajini mbi sy për 7-8 minuta për të stimuluar qarkullimin e gjakut dhe lubrifikimin natyral.

Mjekët këshillojnë gjithashtu të bëhen pauza të rregullta gjatë përdorimit të pajisjeve elektronike dhe të shmanget ekspozimi i zgjatur ndaj ajrit të thatë.

Flaka