Verë e nxehtë te Atlético Madrid – disa yje drejt largimit!

Atlético Madrid po përgatitet për një merkato verore me ndryshime të mëdha, pas sinjaleve të qarta për largime të mundshme të disa prej lojtarëve kryesorë të skuadrës.

Pas largimit të Antoine Griezmann, klubi madrilen mund të humbasë edhe disa figura të tjera të rëndësishme të projektit.

Një nga emrat më të përfolur është portieri Jan Oblak, i cili ka lënë të hapur mundësinë e largimit. Në një deklaratë për DAZN, ai u shpreh se e ardhmja e tij mbetet e pasigurt, pavarësisht kontratës aktuale.

“Gjithmonë them se kurrë nuk e di çfarë mund të ndodhë në të ardhmen…”

Sipas raportimeve, për herë të parë që nga viti 2014, pozita e tij si titullar është vënë në pikëpyetje, ndërsa paga e lartë dhe interesimi nga klube të tjera mund të ndikojnë në një largim të mundshëm.

Në listën e lojtarëve që mund të largohen përfshihet edhe mbrojtësi José María Giménez, i cili ka pasur një sezon të vështirë për shkak të dëmtimeve dhe ka luajtur më pak se gjysmën e minutave të mundshme. Sipas mediave spanjolle, klubi është i gatshëm të dëgjojë oferta për të.

Po ashtu, edhe Thomas Lemar nuk është më pjesë e planeve afatgjata të Atlético Madridit, pas një sezoni të vështirë tek huazimi në Girona.

Situata tregon se “Los Colchoneros” mund të hyjnë në një verë transformimesh të mëdha në skuadër.

Flaka