Xabi Alonso favorit për stolin e Chelsea
Botuar nga Drin Zenku
Xabi Alonso ka dalë si kandidati kryesor për të marrë drejtimin e Chelsea FC, sipas raportimeve të fundit nga iPaper Sport.
Drejtuesit e klubit londinez thuhet se janë të gatshëm t’i japin trajnerit spanjoll më shumë kompetenca në merkato dhe në vendimet sportive, një lëvizje që mund të ndryshojë strategjinë e deritanishme të klubit.
Xabi Alonso ka fituar vlerësime të mëdha në Europë për punën e tij si trajner, falë stilit modern të lojës dhe aftësisë për të ndërtuar skuadra konkurruese. Pikërisht kjo ka bërë që Chelsea ta shohë atë si figurën ideale për projektin afatgjatë të klubit.
Raportohet se bisedimet janë në fazë intensive dhe drejtuesit e “Bluve” besojnë se Alonso mund të rikthejë stabilitetin dhe identitetin në “Stamford Bridge”.
Nëse marrëveshja finalizohet, spanjolli do të kishte rol më të madh jo vetëm në fushë, por edhe në përzgjedhjen e përforcimeve të reja për skuadrën londineze.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
