Osmani: Sot takova të rinjtë e Tetovës, fola për dy shtyllat e rëndësishme të dekalogut për president

Gjatë ditës së sotshme kandidati për president Bujar Osmani ka mbajtur  diskutim të hapur me fokus grupe mbi temën “Mbajtja e të rinjve në vend”.

Ai gjatë këtij diskutimi theksoi se me integrimin e vendit në BE do ndryshojë standarti jetësor të rinjtë më nuk do kenë arsye migrimi sepse edhe metodologjinë e arsimit do e ndryshojnë përgaditjen e gjeneratave të reja në menyra më kreative dhe inovative sepse siç thekson ai në vitet e ardhshme inteligjenca artificiale do zëvendsoje shumicën e punëve, prandaj qasja kryesore duhet të jetë qe sistemin shkollor ta adaptojmë për tregun e punës pas 10 ose 20 vitesh të ardhshme.

Ai premton që si President i ardhshëm do të nisë iniciativa, të propozon ide, të shtyn inciativa që do të ndikojnë në cilësinë e njerëzve. Ai ka disa propozime në këtë, fillimisht që Ministria e Arsimit dhe Shkencës të ndahet në dy pjesë, për shkak se arsimi ka shum probleme dhe shkenca është e lënë pas dore. Ai mendon që shkenca duhet të ndahet si agjensi më vete ose si ministri më vete, të ndahen fonde të veçanta dhe të fuqizohet roli shkencës në proçesin edukativo-arsimor.