Osmani i përgjigjet Taravarit: Mos të dëmtohet interesi i Kosovës për lojra elektorale!

Bujar Osmani kandidat për President nga Fronti Europian i është përgjigjur rivalit të tij nga VLEN, Arben Taravari rreth vërejtjeve të këtij të fundit për planin 9 pikësh të OSBE nën kryesimin e Osmanit për Kosovën.

”Po ta dinte Arben Taravari se si është sintetizuar, përgatitur dhe miraturar plani nëntëpikësh i Kryesuesit të OSBE-së për deeskalim në veri dhe rolin e këtij plani për të parandaluar zgjidhje teritoriale për çështjet etnike në Kosovë, do mendonte dy herë para se të involvohet në lojra elektorale që nuk i njeh dhe që mund ta dëmtojnë shumë interesin e Kosovës”, përgjigjet Osmani.

Sipas tij, Kosova është çliruar me rezistencë dhe përpjekje të koordinuara.

”Dhe, liria dhe pavarësia e Kosovës mund të mbrohet vetëm me veprime të koordinuara”, përfundon Osmani. Flaka Media