A ishte kundër mbajtjes së tubimit në sheshin Skenderbue, lideri PDT: Turp, shpifje e ulët e opizitës!

” Fronti Europian pjesë e të cilit është dhe partia turke TDP e Bejxhan Iljaz nuk ka pranuar që tubimi i sotëm të mbahet në sheshin Skenderbe në Shkup”, raportoi sot jozyrtarisht portali në gjuhën shqipe Zhurnal nga Shkupi.

Sipas portalit, tubimi i Frontit Europian sonte do të mbahet në sheshin Maqedonia në Shkup me fillim në ora 20:00 edhe pse ishte paralajmëruar që të mbahet tek sheshi Skenderbe poashtu në Shkup.

Pas publikimit të lajmit nga ky portar, ke reaguar lideri i PDT-së, Beixhan Iljaz, i cili lajmin e kualifon të rrejshëm.

Sipas tij, kjo sajesë është shpifje dhe komedi në vete, pasi thotë se selia qendrore e kësaj partie ndodhet pikërisht në sheshin Skenderbeu.

“Kjo është një shpifje më e ulët e opozitës. Turp i madh. Mjaftë e përdorni heroin kombëtrarë Skenderbeun për çshtje të vogla politike. Kjo është një komedi, po ne qendrën e partisë e kemi tek Sheshi Skenderbeu. Ndërsa disa të tjerë vijnë tek sheshi vetëm kur ju duhet të shfrytëzojnë personalisht, ndërsa ne jemi çdo ditë në Shesh” , u shpreh për Tetova Sot, lideri i PDT-së Beixhan Iljaz.

Madje, kreu i PDT-së shprehet që tubimi i Frontit Europian do të jetë në Sheshin Maqedonia, ndërsa anëtarët e TDP-së do të grumbullohen nga sheshi Skenderbeu ku do të nisen drejtë tubimit.

“Sot tubimi është në Sheshin Maqedonia, dhe ne si TDP do të mblidhemi tek Sheshi Skenderbeu, dhe nga aty do të nisemi drejtë tubimit të madh të Frontit Europian” tha në fund Beixhan Iljaz kryetar i PDT-së, njëherit kandidat për deputet nga Fronti Europian. Flaka Media