Festa e Abetares, shkëlqejnë në skenë nxënësit e shkollës Bashkimi

Recitale, pjesë teatrale, këngë e vjersha ishin pjesë e programit kulturor dhe artistik të nxënësve të klasës së dytë, 2/6 të mësueses Sejlan Arsllani në shkollën fillore Bashkimi në Gostivar.  

Programi i punuar për gati dy muaj nga ana e mësuese Sejlan Arsllani, mahniti familjarët dhe të ftuarit e tjerë, që e ndoqën dhe e duartrokitën prezantimin e tyre nga fillimi e deri në fund.

Shumë emocione, dashuri dhe përgëdhelje u dhanë në skenën e shkollës Bashkimi, nga ku mësuesja e klasës u ndahu nxënësve të klasës së dytë lëvdatë për nxënines me sukses të alfabetit të gjuhës shqipe, për njohje të shkrim – leximit të gjuhës sonë të bukur.

Festa e Abetares është ngjarje e veçantë në jetën e të gjithë fëmijëve të klasës së dytë.

Duke mësuar shkronjë pas shkronje, numër pas numri arritën të shkruajnë e të lexojnë për bukuri, të hyjnë në universin e madh të dijes, në botën e madhe të librit e shkencës.

Në shkollën fillore Bashkimi tashmë është bërë traditë Festa e Abetares për çdo fundvit. I pranishëm në këtë eveniment ishte kryesuesi i Këshillit Komunal, Valbon Limani në përcjellje të drejtoreshës së shkollës, Vlera Fidani. Flaka Media