Reisul ulema i BFI-së: Nata e Kadrit, natë e pranimit të lutjeve

Sonte po e perjetojmë natën më të madhe të Muajit të bekuar të Ramazanit – Natën e Kadrit. Më e vlefshme se një mijë muaj. Në te zbresin melektë e Zotit. Është paqe gjatë tërë kësaj nate.

Është një hapsirë kohore vendimtare e besimtarit që vendos para Zotit të Madhërishëm dhe në prezencë të melekëve se do e reformojë veten e tij drejt formimit të personalitetit të shëndoshë për t’i dhënë dritë vetvetes, familjes dhe shoqërisë për të qenë i ditur, i moralshëm, i urtë, bujar, solidar dhe fuqishëm i lidhur me Zotin e Madhërishëm.

Në ambijentin e kurorës së vitit – Natën e Kadrit afërsia me Zotin mundëson t’i drejtojmë lutjet tona të cilat fuqishëm pranohen tek I Madhi Zot.

Urime na qoftë të gjithëve kjo natë e madhe e Kadrit.

Reisul ulema i BFI

H. Hfz. Shaqir ef. Fetai