Ali Ahmeti: “Lavdi Komandant Tigrit, Simbol i Lirisë!”

Në 24-vjetorin e rënies heroike të Fadil Nimanit – Komandant Tigrit, sot u zhvillua një ceremoni solemne në fshatin Gërgoc të Gjakovës, me rastin e përurimit të pllakës përkujtimore në nder të tij, transmeton Flaka

Në këtë ngjarje u përkujtua amaneti i lënë nga Komandant Tigri, të cilin Ali Ahmeti e përmendi me këto fjalë:

“Dëshmor ose jo, si të doni më quani, por amanetin për liri, vëllezër t’ma ruani.”

Një thirrje që, siç u theksua, do të mbetet udhërrëfyes për të gjitha gjeneratat e ardhshme.

Fadil Nimani, i njohur si Komandant Tigri, është simbol i rezistencës shqiptare dhe hero i tri ushtrive çlirimtare – UÇK-së, UÇPMB-së dhe UÇK-së së Maqedonisë. Ai ishte në vijën e parë të frontit, përballë armikut, deri në momentin e rënies së tij heroike.

“Komandant Tigri nuk do të vdesë kurrë në kujtesën tonë. Ai ishte dhe do të mbetet frymëzim për çdo shqiptar, simbol i gjallë i sakrificës dhe dashurisë për atdheun”, u theksua gjatë ceremonisë.

Lavdi Komandant Tigrit dhe të gjithë dëshmorëve të kombit! Flaka