Burhan Aliti i ASH-së dorëhiqet nga M-NAV, emërohet Besir Shabani nga LD-ja?

Burhan Aliti ka bërë të ditur se ka deponuar dorëheqjen nga pozita e anëtarit të Këshillit Drejtues të Drejtorisë së Aviacionit Civil – M-NAV, njofton Flaka. Në njoftimin e tij publik, ai thekson se vendimi vjen pas qëndrimit të subjektit politik Aleanca për Shqiptarët për të lëshuar qeverinë, të cilën e cilëson si jo parimore dhe të vazhdimit të qeverisjeve të kaluara që nuk i shërbejnë interesave të qytetarëve shqiptarë.

Aliti ka falënderuar kryetarin e partisë, Dr. Arben Taravari, degën e Kumanovës dhe të gjithë subjektin për besimin e dhënë, duke theksuar përkrahjen e tij të plotë për politikat dhe vendimet e Aleancës për Shqiptarët.

Jozyrtarisht, në vend të tij është emëruar Besir Shabani, kuadër i LD-së së Izet Mexhitit nga dega e Sarajit. Flaka