Dhoma e Përfaqësuesve sfidon Trumpin, bllokohen tarifat ndaj Kanadasë

Botuar nga Drin Zenku 12 Shkurt, 2026 19:26

Një tjetër sinjal politik shqetësues për Donald Trump në prag të zgjedhjeve të mesmandatit në nëntor. Dhoma e Përfaqësuesve në SHBA ka miratuar bllokimin e tarifave të reja ndaj Kanadasë, në një votim që përbën një goditje të drejtpërdrejtë për presidentin amerikan.

Pro ndalimit të tarifave votuan 219 deputetë, ndërsa 211 ishin kundër. Vendimtare rezultuan votat e gjashtë republikanëve, të cilët iu bashkuan demokratëve, duke sfiduar hapur linjën e Shtëpisë së Bardhë.

Ky zhvillim shihet si një dobësim i autoritetit politik të Trump, pasi shumica e tij në Dhomë nuk arriti të mbajë qëndrim të unifikuar. Analistët e konsiderojnë votimin si tregues të rritjes së pakënaqësisë jo vetëm në elektorat, por edhe brenda vetë Partisë Republikane.

Sipas disa sondazheve të fundit, përfshirë Gallup, “approval tracker” të revistës The Economist, Reuters/Ipsos dhe Real Clear Politics, mbështetja për punën e presidentit ka shënuar rënie të ndjeshme në javët e fundit.

Menjëherë pas votimit, Trump reagoi ashpër, duke paralajmëruar se republikanët që kundërshtojnë politikat e tij tarifore “do të përballen me pasoja në zgjedhje”, përfshirë edhe në garat paraprake brenda partisë (primaret).

Votimi pritet të ketë ndikim të drejtpërdrejtë në debatin ekonomik dhe në klimën politike para zgjedhjeve të mesmandatit, ku kontrolli i Kongresit mbetet në lojë.

Flaka

Botuar nga Drin Zenku 12 Shkurt, 2026 19:26

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.