Se çka ndodhi në Kuvend, tregojnë nga Lëvizja Besa

Botuar nga Flaka 12 Shkurt, 2026 21:23

Kuvendi Qendror i Lëvizjes Besa ka miratuar me shumicë votash shkarkimin e Kryesisë Qendrore të partisë, në kuadër të procesit për bashkimin e koalicionit VLEN në një subjekt të vetëm politik.

Në njoftimin zyrtar thuhet se vendimi vjen “në vazhdën e procesit të filluar për bashkimin e VLEN-it në një subjekt të vetëm”, ndërsa Kuvendi ka vlerësuar se duhet “të hapet rruga për strukturimin e VLEN-it”, duke e bazuar këtë hap në moratoriumin e aktiviteteve partiake nga subjektet përbërëse të koalicionit.

Kuvendi ka autorizuar kryetarin e partisë, Bilall Kasami, që të vijojë bisedimet për të ardhmen e VLEN-it. Sipas komunikatës, atij i është dhënë “mbështetje bashkimit në një subjekt të vetëm, me një zgjidhje që respekton parimin e drejtësisë dhe dëgjon zërin dhe vullnetin e votuesit të VLEN-it dhe gjithë shqiptarëve”.

Në mbledhje është diskutuar edhe puna e funksionarëve të Lëvizjes Besa në Qeveri. Sipas njoftimit, “kuvendarët e përkrahën konstatimin e kryetarit Kasami se Besa ka kapacitet për shumë më shumë punë sesa është bërë deri tani”.

Analiza e performancës së zyrtarëve do të vazhdojë në ditët në vijim dhe, siç theksohet, “konstatimet e gjetura do të reflektohen në rikonstruimin e ardhshëm të Qeverisë”.

Në fund, Lëvizja Besa nënvizon se pjesëmarrja në ekzekutiv nuk shihet si qëllim në vetvete. “Postet në Qeveri janë mjet për shërbimin tonë sa më të mirë dhe më efikas ndaj qytetarëve, veçanërisht shqiptarëve”, thuhet në reagim, duke shtuar se vendimet e ardhshme do të mbështeten pikërisht mbi këtë parim.

Ky zhvillim shënon një fazë të re brenda VLEN-it, në një moment kur po intensifikohen lëvizjet për konsolidimin e tij si një subjekt i vetëm politik.

Botuar nga Flaka 12 Shkurt, 2026 21:23

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.