Vdes aktori James Van Der Beek, i njohur për “Dawson’s Creek”, në moshën 48-vjeçare

Botuar nga Drin Zenku 12 Shkurt, 2026 11:44

Aktori amerikan James Van Der Beek, i njohur për rolin e Dawson Leery në serialin kult “Dawson’s Creek”, ka ndërruar jetë në moshën 48-vjeçare, një vit pasi bëri të ditur se vuante nga kanceri kolorektal.

Familja e tij njoftoi lajmin përmes një postimi në Instagram, duke theksuar se Van Der Beek “u largua në paqe” pas një beteje të përballuar me “guxim, besim dhe hijeshi”. Ata kërkuan privatësi, duke e përshkruar aktorin si bashkëshort, baba, djalë, vëlla dhe mik të dashur.

Në nëntor 2025, Van Der Beek kishte zbuluar publikisht diagnozën, duke treguar se po trajtohej me mbështetjen e familjes. Edhe pse shëndeti i tij ishte i ndikuar, ai vazhdoi të punonte dhe u shfaq në një episod të “Walker”, reboot-i i “Walker, Texas Ranger”.

Për të përballuar trajtimet, aktori nxori në ankand disa objekte nga karriera e tij, ndërsa kolegët organizuan një event bamirësie në Nju Jork për shoqatën “F Cancer”. Për shkak të gjendjes shëndetësore, Van Der Beek nuk mundi të merrte pjesë dhe Lin-Manuel Miranda lexoi skenarin në vend të tij.

I lindur më 8 mars 1977 në Connecticut, Van Der Beek debutoi në televizion në vitin 1993 dhe në kinema në 1995, por fama botërore erdhi në vitin 1998 me “Dawson’s Creek”, rol që e bëri një ikonë të brezit të tij.

Flaka

Botuar nga Drin Zenku 12 Shkurt, 2026 11:44

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.