9 ushqimet që ndihmojnë për një gjumë më të mirë natën

Nëse keni vështirësi për të fjetur, ndoshta duhet të filloni ta shikoni çfarë hani dhe pini para gjumit. Shumë ushqime dhe pije mund të ndikojnë pozitivisht në cilësinë e gjumit, i cili ndihmon në mbrojtjen e shëndetit të trurit, forcimin e sistemit imunitar dhe uljen e rrezikut për sëmundje kronike. Ekspertët rekomandojnë të flini 7–8 orë pa ndërprerje çdo natë, por shpesh kjo nuk është e lehtë.

Përveç zakoneve të mira të gjumit, edhe dieta luan rol kyç. Ja 9 ushqimet dhe pijet që mund të ndihmojnë për një gjumë më të qetë:

• Bajamet – të pasura me yndyrna të shëndetshme, fibra, vitaminë B dhe magnez, si dhe melatoninë natyrale që ndihmon në rregullimin e ciklit të gjumit.
• Gjeli i detit – i pasur me proteina dhe triptofan, aminoacid që rrit prodhimin e melatoninës dhe nxit ndjesinë e përgjumjes.
• Çaji i kamomilit – përmban antioksidantë që lidhen me receptorët në tru dhe ndihmojnë në uljen e pagjumësisë.
• Kivi – frut i pasur me serotoninë dhe antioksidantë që mund të kontribuojnë në gjumë më të mirë.
• Lëngu i qershisë së thartë – burim natyral i melatoninës, mund të ndihmojë në përmirësimin e cilësisë së gjumit.
• Peshqit e yndyrshëm – salmoni, toni dhe trofta janë të pasur me vitaminë D dhe omega-3, të cilat ndihmojnë shëndetin e trurit dhe gjumin.
• Arrat – përmbajnë melatoninë dhe omega-3, duke përmirësuar cilësinë e gjumit.
• Çaji i lules së pasionit – ndihmon në rritjen e GABA-s, kimikati i trurit që ul stresin dhe nxit relaksimin.
• Orizi i bardhë – i pasur me karbohidrate dhe me indeks glicemik të lartë; konsumimi i tij para gjumit mund të ndihmojë disa persona të flenë më mirë.

Integrimi i këtyre ushqimeve në dietën tuaj mund të bëjë diferencën mes një nate të qetë gjumi dhe një nate të shqetësuar, duke përmirësuar shëndetin dhe mirëqenien e përgjithshme.

Flaka