Si të kuptoni mungesat ushqimore dhe si t’i trajtoni

Kequshqyerja ose mungesa e lëndëve ushqyese mund të reflektohet jo vetëm në metabolizëm, por edhe në shenja fizike të dukshme në trup. Shenjat nuk janë gjithmonë specifike dhe mund të lidhen me faktorë të ndryshëm, por shpesh tregojnë mungesë të vitaminave, mineraleve ose proteinave.

Shenjat klinike shfaqen kryesisht në pjesë të trupit që kërkojnë rigjenerim të shpejtë, si flokët, thonjtë, lëkura, goja dhe aparati tretës. Më poshtë janë disa nga simptomat më të zakonshme dhe mënyrat për t’i korrigjuar:

Flokët:
Flokë të thatë, pa shkëlqim, që bien ose këputen lehtësisht mund të tregojnë mungesë të vitaminës C, proteinave, zinkut ose hekurit.
Këshillë: Konsumoni lëng portokalli, arra Brazil, fara kungulli dhe vezë.

Sytë:
Sy të zbehtë – mungesë hekuri; sy të thatë ose me njolla – mungesë vitaminë A; të kuq në cepa – mungesë vitaminash B.
Këshillë: Shtoni thjerrat, karotat dhe mishin e kuq në dietë.

Buzët:
Buzë të thata, të çara apo me plagë në anë – mungesë vitaminash B.
Këshillë: Konsumoni bulmet, tërshërë, grurë, fasule dhe peshk.

Goja dhe mishrat e dhëmbëve:
Mishra që gjakosen – mungesë vitaminë C; gjuhë e lëmuar – mungesë vitaminash B; ulje e shqisës së shijimit – mungesë zinku.
Këshillë: Shtoni brokoli, agrume, mish të kuq, fara kungulli dhe ostrica.

Lëkura:
E thatë, e ashpër, pa yndyrë – mungesë acidesh yndyrore esenciale, proteinash, vitaminash A dhe B; me hematoma – mungesë vitaminë C dhe K; e zbehtë – mungesë hekuri.
Këshillë: Konsumoni vezë, domate, panxhar, karota, lakër të kuqe, gjizë dhe sardele.

Thonjtë:
Me valëzime – mungesë proteinash; në formë luge, të zbehtë – mungesë hekuri.
Këshillë: Konsumoni shpesh thjerrat dhe panxharin.

Simptoma të tjera:

• Dementia, neuropati periferike – mungesë vitaminash B
• Gjëndra limfatike të ënjtura – mungesë proteinash, jodi
• Këmbë të harkuara – mungesë vitaminë D
  Këshillë: Konsumoni prodhime deti, vezë, hurma, shegë dhe vaj të mëlçisë së merlucit si suplement.

Një dietë e pasur dhe e balancuar është mënyra më e mirë për të parandaluar këto mungesa dhe për të ruajtur shëndetin optimal.

Flaka