Përfitimet e jashtëzakonshme të boronicave për shëndetin

Boronicat renditen ndër frutat më të fuqishme për nga vlerat antioksiduese, duke lënë pas rreth 40 lloje të tjera frutash, sipas studimeve të ndryshme amerikane.

Ato njihen për aftësinë e tyre për të luftuar radikalet e lira, për të ulur kolesterolin e keq dhe për të ndihmuar në parandalimin e infeksioneve në organizëm.

Një nga përfitimet më të rëndësishme të boronicave është ngadalësimi i procesit të plakjes, falë përmbajtjes së lartë të antioksidantëve që mbrojnë qelizat nga dëmtimi.

Studime të ndryshme sugjerojnë gjithashtu se boronicat mund të ndihmojnë në uljen e rrezikut të disa llojeve të kancerit, duke nxitur enzima që pengojnë zhvillimin e qelizave tumorale.

Në disa vende, si Suedia, boronicat e thata përdoren edhe për trajtimin e diarresë, sidomos te fëmijët, pasi ndihmojnë në eliminimin e baktereve si E.coli.

Përveç kësaj, ky frut përmirëson përqendrimin dhe kujtesën afatshkurtër, falë përbërjes së tij me antocianinë, e cila ka efekt mbrojtës në sistemin nervor.

Boronicat janë gjithashtu të dobishme gjatë shtatzënisë, pasi përmbajnë acid folik, vitaminë C, kalcium dhe fibra që ndihmojnë tretjen.

Një tjetër përfitim i rëndësishëm është ndikimi pozitiv në shëndetin e zemrës, duke ndihmuar në uljen e kolesterolit të keq dhe rrezikut për sëmundje kardiovaskulare.

Gjithashtu, boronicat ndihmojnë në parandalimin e infeksioneve urinare duke penguar ngjitjen e baktereve në traktin urinar.

Flaka