Mënyrat më të mira për të lënë duhanin sipas studimeve

Ekspertët e shëndetit publik theksojnë se mënyra më efektive për të lënë duhanin është vendimi i menjëhershëm dhe i prerë, jo reduktimi gradual i cigareve. Sipas tyre, ata që përpiqen vetëm të ulin numrin e cigareve kanë më pak gjasa ta lënë duhanin përgjithmonë, krahasuar me ata që e ndalojnë plotësisht në një ditë të caktuar.

Paul Aveyard, pedagog i mjekësisë në Universiteti i Oxfordit, thekson se shtyrja e vendimit vetëm e zgjat varësinë.

“Çelësi i suksesit është të zgjidhni një ditë dhe ta lini vërtet. Truri mëson dhe harron modelet e varësisë, prandaj në momentet e tundimit duhet të rezistoni,” shpjegon ai.

Nikotina nuk është armiku kryesor

Sipas ekspertëve, zëvendësuesit e nikotinës si çamçakëzët, ngjitëset dhe sprajet mund të jenë shumë efektivë në procesin e lënies së duhanit. Ata theksojnë se nikotina vetë nuk është faktori më i dëmshëm, por mënyra e konsumimit të saj.

Cigaret elektronike si alternativë

Studime të fundit tregojnë se cigaret elektronike mund të jenë deri në dy herë më efektive për lënien e duhanit krahasuar me metodat tradicionale, pasi ndihmojnë edhe psikologjikisht duke imituar vetë aktin e pirjes.

Kërkimi i ndihmës dhe ndryshimi i rutinës

Ekspertët këshillojnë që duhanpirësit të kërkojnë ndihmë nga mjekët, familja apo linjat e këshillimit, si dhe të shmangin situatat që nxisin dëshirën për cigare, duke ndryshuar rutinën e përditshme.

Flaka