Sa ujë duhet të pimë në ditë? Ja çfarë thonë ekspertët

Hidratimi është një nga faktorët më të rëndësishëm për shëndetin e trupit dhe funksionimin normal të organizmit. Çdo ditë, trupi i njeriut humbet rreth 2 deri në 3 litra ujë përmes djersitjes, frymëmarrjes dhe aktiviteteve të përditshme, ndaj është e domosdoshme që këto lëngje të zëvendësohen rregullisht.

Ruajtja e balancës së ujit në trup është thelbësore, pasi si dehidratimi ashtu edhe konsumimi i tepruar i ujit mund të sjellin probleme serioze shëndetësore. Dehidratimi mund të shkaktojë lodhje, rënie të humorit, tharje të lëkurës dhe vështirësi në përqendrim, ndërsa truri i pa hidratuar kërkon më shumë energji për të funksionuar.

Sipas specialistëve, rekomandimi tradicional prej “8 gotash ujë në ditë” nuk është i njëjtë për të gjithë. Studimet e fundit tregojnë se nevoja për ujë ndryshon sipas peshës trupore dhe kushteve mjedisore, duke u vlerësuar rreth 2.5–3.7 litra në ditë për meshkujt dhe 2–2.7 litra për femrat.

Ndikimi i dehidratimit në tru dhe aftësitë njohëse

Mungesa e ujit në trup ndikon drejtpërdrejt në:

• Vëmendje
• Shpejtësi të përpunimit të informacionit
• Kujtesë

Efektet ndihen më shumë në kujtesën afatshkurtër, duke shkaktuar edhe gjendje letargjie, marramendje dhe dhimbje koke.

Rreziku i pirjes së tepruar të ujit

Edhe konsumimi i tepërt i ujit mund të jetë i rrezikshëm dhe të çojë në gjendje të quajtur “intoksikim nga uji”. Kjo ndodh kur niveli i kripërave në gjak bie ndjeshëm, duke shkaktuar ënjtje të trurit, konfuzion, të përziera dhe dhimbje koke. 🧪

Të moshuarit dhe personat me probleme të veshkave, zemrës apo mëlçisë janë më të rrezikuar, pasi organizmi i tyre ka vështirësi në eliminimin e lëngjeve të tepërta.

Flaka