Gabimi që bëjmë çdo ditë me mollët dhe frutat

Shumë njerëz zgjedhin t’i konsumojnë frutat pa lëkurë duke menduar se në këtë mënyrë largojnë pesticidet, por ekspertët thonë se kjo praktikë mund të jetë gabim.

Sipas Joe Robinson, autor i librit “Eating on the Wild Side”, lëkura e mollës mund të përmbajë deri në 90% të pesticideve të pranishme, por njëkohësisht edhe rreth 50% të lëndëve ushqyese të frutit. Ai rekomandon që, kur është e mundur, të konsumohen mollë organike dhe të mos hiqet lëkura.

Në rastet kur frutat nuk janë organike, specialistët sugjerojnë larjen e tyre me ujë dhe sodë buke. Sipas një studimi të publikuar në Journal of Agricultural and Food Chemistry, njomja e mollëve për 12 deri në 15 minuta në një përzierje me ujë dhe sodë buke mund të largojë deri në 96% të pesticideve dhe rreth 80% të fungicideve që depërtojnë në lëkurë.

Raportohet se larja vetëm me ujë të zakonshëm nuk është aq efektive, ndërsa soda e bukës ndihmon në shpërbërjen e molekulave të pesticideve. Për pastrim optimal rekomandohet përzierja e dy gotave ujë me një lugë çaji sodë buke.

Përveç mollëve, edhe lëkura e shalqinit konsiderohet e dobishme, pasi përmban aminoacidin citruline, i cili ndihmon në përmirësimin e marrjes së oksigjenit gjatë aktivitetit fizik. Për ta bërë më të konsumueshme, lëkura e shalqinit mund të përdoret edhe e gatuar, për shembull si reçel.

Flaka