Kampi i Haalandit mohon gjithçka: Nuk ka marrëveshje me Real Madridin
Pretendimet për një transferim të mundshëm të Erling Haaland te Real Madridi janë hedhur poshtë nga kampi i sulmuesit norvegjez. Gjithçka nisi pasi kandidati për president të Real Madridit, Enrique Riquelme, deklaroi se kishte arritur tashmë një marrëveshje për ta sjellë Haalandin në “Santiago Bernabéu” në rast se fiton zgjedhjet presidenciale.
Megjithatë, babai i lojtarit, Alfie Haaland, së bashku me agjentin e sulmuesit, reaguan menjëherë duke mohuar kategorikisht këto pretendime.
“Gjithçka është shumë argëtuese, por nuk është e vërtetë. Urojmë fat të mirë për të dy kandidatët në zgjedhjet e Real Madridit”, thuhet në deklaratën e tyre.
Ndërkohë, edhe Manchester City ka përgënjeshtruar raportimet, duke i bërë të ditur mediumit The Athletic se nuk ekziston asnjë mundësi që transferimi të ndodhë. Klubi anglez po ashtu po shqyrton mundësinë e ndërmarrjes së veprimeve ligjore për përdorimin e imazhit të Haalandit në këtë çështje.
Kështu, spekulimet për një kalim të yllit norvegjez te Real Madridi mbeten pa bazë, ndërsa Haaland vazhdon të jetë pjesë kyçe e projektit të Manchester Cityt.
Flaka
















