Pse nuk duhet të konsumoni hudhër para gjumit – ja çfarë thonë ekspertët

Hudhra konsiderohet një nga ushqimet më të shëndetshme dhe rekomandohet të jetë pjesë e përditshme e dietës, falë përfitimeve të shumta për organizmin. Ajo ndihmon në forcimin e imunitetit, përmirësimin e shëndetit kardiovaskular dhe luftimin e inflamacionit, ndërsa përdoret shpesh edhe si ndihmë natyrale kundër virozave dhe disa problemeve të qarkullimit të gjakut.

Megjithatë, ekspertët theksojnë se hudhra nuk rekomandohet të konsumohet para gjumit, pasi mund të ndikojë negativisht në cilësinë e pushimit.

Një nga arsyet kryesore është se hudhra irriton stomakun dhe stimulon sistemin tretës, duke rritur sekretimin e lëngjeve gastrike dhe të pështymës. Kjo mund të shkaktojë parehati dhe vështirësi për të fjetur, sidomos kur konsumohet në sasi të mëdha në mbrëmje.

Përveç kësaj, hudhra ndihmon në hapjen e rrugëve të frymëmarrjes dhe pastrimin e sekrecioneve, por ky efekt është më i dobishëm kur ajo konsumohet gjatë ditës, si në mëngjes ose në drekë.

Specialistët sugjerojnë që për përmirësimin e gjumit të konsumohen ushqime të lehta si spinaqi, arrat, brokoli, kungulli, avokado dhe bananja, të cilat ndihmojnë relaksimin e trupit dhe cilësinë e gjumit.

Gjithashtu, rekomandohet shmangia e ushqimeve të përpunuara, si dhe ushqimeve të pasura me sheqer, karbohidrate të rafinuara dhe yndyra të pashëndetshme, të cilat mund të prishin ritmin natyral të gjumit.

Flaka