8 shenja që tregojnë mungesë zinku në trup dhe ushqimet që e rikthejnë atë

Zinku është një mineral shumë i rëndësishëm për funksionimin normal të organizmit, pasi ndihmon në forcimin e sistemit imunitar, riparimin e qelizave dhe proceset e shumta biologjike në trup.

Mungesa e zinkut mund të shfaqet përmes disa shenjave që shpesh neglizhohen. Ndër simptomat më të zakonshme janë imuniteti i dobët, humbja e nuhatjes dhe shijes, dëmtimi i thonjve, problemet me lëkurën, shërimi i ngadalshëm i plagëve, problemet me shikimin, vështirësitë në përqendrim dhe ndryshimet e humorit.

Ky mineral luan rol të rëndësishëm edhe te gratë shtatzëna, pasi kontribuon në rritjen dhe zhvillimin normal të fetusit. Sipas ekspertëve, trupi ka nevojë për furnizim të rregullt me zink për të ruajtur funksionet jetësore.

Personat që mund të jenë më të rrezikuar nga mungesa e zinkut janë ata me ushqyerje jo të balancuar, vegjetarianët dhe veganët, personat me probleme të caktuara të tretjes, sëmundje të mëlçisë apo veshkave, diabet, si dhe ata që konsumojnë shumë alkool.

Burimet më të mira ushqimore të zinkut përfshijnë midhjet, mishin e viçit, farat e kungullit dhe susamin, fasulet, spinaqin, qiqrat dhe çokollatën e zezë.

Megjithatë, edhe konsumimi i tepërt i zinkut mund të shkaktojë efekte anësore si të përziera, dhimbje barku, mungesë oreksi dhe dhimbje koke. Për këtë arsye, ekspertët këshillojnë që marrja e tij të jetë në sasi të përshtatshme sipas nevojave të organizmit.

Flaka