Limani mohon zërat për kalim në VLEN: “Nuk ka bisedime”

Flaka
Botuar nga Flaka 6 Shtator, 2026 12:16

Limani mohon zërat për kalim në VLEN: “Nuk ka bisedime”

Kryetari i Komunës së Gostivarit, Valbon Limani, ka mohuar zërat për një kalim eventual të tij apo të Aleancës për Shqiptarët në koalicionin VLEN, duke thënë se aktualisht nuk zhvillohet asnjë negociatë për rikonfigurim të skenës politike.

Reagimi i Limanit vjen pasi një nga liderët e VLEN-it, Bilall Kasami, deklaroi se po zhvillohen bisedime me eksponentë të opozitës shqiptare për t’iu bashkuar koalicionit qeveritar.

I pyetur nëse bisedimet përfshijnë edhe Valbon Limanin dhe kryetarin e Komunës së Çairit, Isen Shabanin, Kasami tha se me partinë e Ziadin Selës, Aleancën për Shqiptarët, po zhvillohen bisedime për bashkim me qeverinë.

“Bashkëpunimi dhe respekti me të gjithë kolegët që bartin të njëjtin funksion do të jenë gjithmonë në nivelin e duhur”, deklaroi Limani.

Ai theksoi se komunikimet me kryetarët e tjerë të komunave lidhen vetëm me çështje të bashkëpunimit ndërkomunal.

“Sa u përket çështjeve të tjera, përveç bisedave kolegiale që lidhen me bashkëpunimin ndërkomunal, në kuadër të Rajonit të Pollogut apo programeve qeveritare, nuk ka asnjë lloj bisede apo negocimi tjetër në vazhdim”, tha Limani.

Limani e bëri të qartë se mbetet pjesë e Aleancës për Shqiptarët, duke e cilësuar atë si parti autonome.

“Jam anëtar i Aleancës për Shqiptarët, e cila mbetet parti autonome, dhe nuk ekziston asnjë zhvillim që do të sugjeronte bisedime apo rikonfigurime të skenës politike”, u shpreh ai.

Sipas tij, fokusi aktual është te aktivitetet e partisë dhe puna në Komunën e Gostivarit, ndërsa paralajmëroi edhe Kongresin e ardhshëm të Aleancës për Shqiptarët.

“Në të njëjtën kohë, vazhdojmë përgatitjet për Kongresin e Aleancës për Shqiptarët, i cili do të mbahet së shpejti”, tha Limani.

Ai shtoi se prioriteti i tij mbetet qeverisja lokale dhe realizimi i projekteve.

“Fokusi im mbetet në mbarëvajtjen e punëve në Komunën e Gostivarit, realizimin e projekteve dhe shërbimin ndaj qytetarëve, larg spekulimeve mediatike që nuk kanë mbështetje në fakte”, përfundoi Limani. Gazeta Flaka

57

Si po i përballoni shpenzimet mujore për shkak të rritjes së çmimeve?

 

Flaka
Botuar nga Flaka 6 Shtator, 2026 12:16
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin. Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.

Limani i mbyll dilemat për VLEN-in: “Nuk jam politikan tregtar, ASH-ja ka rrugën e saj”

Limani i mbyll dilemat për VLEN-in: “Nuk jam politikan tregtar, ASH-ja ka rrugën e saj”
Lexo më shumë
Lexo më shumë
57

Si po i përballoni shpenzimet mujore për shkak të rritjes së çmimeve?

 

  • DritonZenku
    Shkollat po mbyllen, fshatrat po zbrazen: alarmi demografik në Maqedoninë e Veriut
Lexo më shumë

BALLKANI SOT

GLOBI SOT

Lexo më shumë