Yamal i përgjigjet Mbappés për “Ballon d’Or”: “Nuk do të filloj të lutem për asgjë”

Lamine Yamal ka reaguar ndaj deklaratave të Kylian Mbappés në lidhje me garën për “Ballon d’Or”, duke zgjedhur një qasje të qetë dhe duke theksuar se nuk ka ndërmend të bindë askënd se e meriton çmimin.

“Nuk mendoj se kam nevojë për këtë. Nuk do të përpiqem t’ju bind se jam unë ai që e meriton çmimin, sepse secili ka të drejtë t’i shohë gjërat në mënyrën që dëshiron”, u shpreh Yamal.

Talenti i Barcelonës tha se është krenar për sezonin që ka zhvilluar si me klubin, ashtu edhe me kombëtaren, duke theksuar trofetë e fituar gjatë kësaj periudhe.

“Jam krenar për sezonin që zhvillova me ekipin tim dhe me kombëtaren. U shpallëm kampionë bote, fituam sërish ligën dhe nuk mund të kërkoja më shumë se kaq”, deklaroi 19-vjeçari.

I pyetur sërish për “Ballon d’Or”, Yamal theksoi se nuk do të bëjë presion për të fituar çmimin dhe se, nëse do ta marrë, do ta vlerësojë veçanërisht për shkak të kontributit të shokëve të skuadrës.

“Nuk do të filloj të lutem për asgjë. Nëse vjen, do të jem mirënjohës, veçanërisht ndaj shokëve të mi të skuadrës, si në klub ashtu edhe në kombëtare”, përfundoi Yamal.

Deklaratat e tij tregojnë një qasje të matur ndaj garës për çmimin individual më prestigjioz, në një periudhë kur Yamal dhe Mbappé konsiderohen ndër emrat kryesorë të diskutimit.

Flaka