“Katër vite të mrekullueshme” – Lewandowski me mesazh emocionues për Barcelonën
Robert Lewandowski ka reflektuar për periudhën e tij katërvjeçare te Barcelona, duke e cilësuar si një eksperiencë të jashtëzakonshme, por duke pranuar se tashmë ka ardhur momenti për të nisur një kapitull të ri.
Sulmuesi polak u shpreh se është shumë i lumtur me situatën aktuale dhe se, pavarësisht largimit, do të vazhdojë ta mbështesë Barcelonën dhe ish-shokët e tij të skuadrës.
“Kam kaluar katër vite të mrekullueshme te Barcelona. Por vjen një moment kur duhet të bësh hapin tjetër dhe tani jam shumë i lumtur”, deklaroi Lewandowski.
Ai theksoi gjithashtu se lidhja e tij me klubin katalanas do të mbetet e veçantë edhe pas largimit.
“Do të jem gjithmonë aty për ta mbështetur dhe ndihmuar Barçën dhe ish-shokët e mi të skuadrës”, shtoi polaku.
Lewandowski iu bashkua Barcelonës në vitin 2022 dhe gjatë qëndrimit në Camp Nou u shndërrua në një prej figurave kryesore të skuadrës, duke lënë pas një kapitull të rëndësishëm në karrierën e tij.
Fjalët e tij tregojnë respektin dhe mirënjohjen për klubin katalanas, ndërsa tashmë Lewandowski është i fokusuar te sfida e radhës në karrierën e tij.
Flaka












