Caktohet seanca dëgjimore për 115 “shkeljet” e Man Cityt – pasojat mund të jenë të rënda

Manchester City ka mësuar datën se kur do të mbahet seanca dëgjimore për 115 shkeljet e supozuara financiare.

Muajin e kaluar, City fitoi për herë të katërt radhazi titullin në Ligën Premier dhe të gjashtin në shtatë vitet e fundit.

Sidoqoftë, suksesi i paprecedentë i klubit është dëmtuar nga 115 akuza lidhur me dyshimin se ka pasur parregullësi financiare, në ndërkohë “Qytetarët” gjithmonë i kanë mohuar këto pretendime.

Akuzat, të cilat dyshohen se janë të bazuara në veprimet mes viteve 2009 dhe 2018, dëshmojnë se City nuk ka dhuruar informacione të sakta financiare lidhur me të ardhurat e tyre, nuk kanë dhënë detaje të plota se sa para kanë paguar trajnerin e tyre, nuk ka dhënë detaje në lidhje me pagesat për lojtarët, nuk i janë përshtatur rregullave financiare të UEFA-s, si dhe nuk kanë bashkëpunuar me hetimin që ka hapur Liga Premier.

Janë bërë tashmë 16 muaj që prej se City është përballur për herë të parë me këto akuza dhe klubi tani duket se më në fund e ka të qartë se cili do të jetë fati i tij pasi të përfundoj seanca gjashtë javore.

Sipas The Times, seanca dëgjimore për këtë rast do të mbahet në muajin nëntor dhe në rast se City shpallet fajtor, mund të bëjë që të ipen gjoba të mëdha e në rastin më të keq, ekipi i Pep Guardiolës mund të përjashtohet nga elita e futbollit anglez.

Përndryshe, Man City nuk ka qëndruar duarkryq ndaj këtyre akuzave dhe ka ndërmarrë veprime ligjore ndaj Ligës Premier./Telegrafi/