Isnik Alimi: Goli debutues, një ndjesi e mirë për mua
Botuar nga Driton Zenku
Isnik Alimi, i vlerëson mjaft të dobishme dy ndeshjet kontrolluese në muajin qershor , kundër Kroacisë dhe Çekisë. Në takimin e fundit, mesfushori shqiptarë arriti që të shënojë edhe golin e parë në fanellën e Maqedonisë. Alimi beson se është një ndjesi e veçantë kur shënon golin e parë në një ndeshje të fortë kontrolluese.
“Normal ndjesia është e mirë se ishte edhe goli i im i parë me fanellën e përfaqësueses dhe jam i lumtur, por besoj që do të ishte edhe më mirë nëse do të ishte gol i fitores, pasi ajo humbja sikur ja zbehu bukurinë, por sidoqoftë goli i parë mbahet mend gjithmonë. Është e veçantë të jesh pjesë e ekipit përfaqësues dhe është gjithmonë ndjesi e mirë, atmosfera është e mrekullueshme dhe funksionojmë mirë si grup,” tha në fillim Alimi.
Ndërkohë këto dy kontrolluese ishin një test i mirë për të gjithë futbollistët që ishin të grumbulluar, në prag të eliminatoreve të Ligës së Kombëve , që nisin në muain shtator.
“Para vetes kemi Ligën e Kombeve që do të fillojë në muajin shtator dhe mezi pres ndeshjen e parë të këtij edicioni për të dhënë më të mirën nga vetja, për të ndihmuar ekipin dhe të arrijmë sa më lartë”, është shprehur Isnik Alimi.
Botuar nga Driton Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
