A ndikon koha se kur i ujisni bimët në rritjen e tyre?

Botuar nga Drin Zenku 1 Korrik, 2024 15:17

Përtej shenjave të dukshme që mund të japin bimët, siç janë thatësia e dheut apo tharja e gjetheve, duket se nuk ka një shenjë tipike dalluese që tregon se kur lulet apo bimët tuaja kanë nevojë për ujë.

Por, hortikulturisti (ekspert i bimëve) Justin Hancock thotë se ka një kohë ideale për të ujitur bimët, nëse vërtet doni të bëni ndryshimin në momentin që kuptoni nevojat e bimëve për ujë.

Kur është koha më e mirë e ditës për të ujitur bimët?

Sipas tij, “orët e mëngjesit janë më të sigurta për shkak se zvogëlohen shanset për prekje nga sëmundjet e bimëve apo kërpudhat.”

“Ujitja e bimëve në periudha të caktuara të ditës mund të krijojë një mjedis ku kërpudhat lulëzojnë, pasi ato përhapen masivisht në vende me shumë lagështi. Kështu që, ujitja e bimëve në mbrëmje ose gjatë natës me uljen e temperaturave dhe rritjen e lagështisë mund të nxisë potencialisht rritjen e sëmundjeve kërpudhore,” thotë Hancock.

Pikërisht për këtë arsye, ujitja e luleve në mëngjes është një ide e mirë pasi gjatë ditës uji i tepërt avullon dhe kësisoj ulen mundësitë për prekje nga sëmundjet kërpudhore.

A ndikon koha se kur i ujisni bimët në rritjen e tyre?

Bimët nuk e dallojnë domosdoshmërisht se në cilën orë të ditës ato ujiten, ndaj kjo nuk ndikon në shkallën e rritjes së tyre.

Çfarë ndodh nëse bimët nuk ujiten në mëngjes?

Sipas Hancock, për sa kohë që nuk jeni duke e tepruar me sasinë e ujit, si shumë, por edhe pak sasi, ju mund t’i hidhni ujë në çdo kohë, por mëngjesi sugjerohet si orari më i mirë për të shmangur sëmundjet kërpudhore të bimëve.

“Nëse i keni bimët jashtë dhe u hidhni ujë në mëngjes, ju ulni mundësinë e prekjes nga sëmundjet e bimëve apo harxhimin e ujit në avullim,” përfundon ai.

Botuar nga Drin Zenku 1 Korrik, 2024 15:17

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.