Alvaro Morata rikthehet në Serie A si kampion Europe, pritet zyrtarizimi te Milani

Euro 2024 mbaroi dhe te Milani janë gati të zyrtarizojnë afrimet e para të merkatos.

Duke ia nisur nga Alvaro Morata, i cili do të jetë qendërsulmuesi i ri i kuqezinjve të Paulo Fonsecas.

“Të shohim”, u shpreh shkurtimisht kapiteni i kombëtares spanjolle pas fitimit të Europianit, por në Itali janë të sigurt në lidhje me transferimin e tij në Milano.

31-vjeçari i ka thënë “po” Milanit dhe në ditët e ardhshme pritet të kryejë testet mjekësore për t’u bërë më pas zyrtarisht futbollist i “Djallit”.

Klubi italian do të paguajë 13 milionë euro në arkat e Atleticos së Madridit, ndërkohë që Moratën e pret një kontratë 4-vjeçare nga e cila do të përfitojë rreth 5.5 milionë euro + bonuse në sezon.

Një rikthim në Serie A për sulmuesin, i cili veshi fanellën e Juventusit në dy periudha të ndryshme.