Falë këtij roli, Robert Downey Jr do të bëhet aktori më i paguar

Robert Downey Jr. është gati të bëhet aktori më i paguar i të gjitha kohërave, pasi roli i tij i fundit do t’i fitojë më shumë se 79 milionë dollarë.

Të hënën u njoftua se ylli 59-vjeçar po kthehet në Marvel Universe, por jo si personazhi ‘Iron Man’. Në vend të kësaj, ai do të luajë ‘Doctor Doom’, në dy filma të rinj “Avengers”.

Thuhet se aktori fitues i Oscar do të marrë një pagë që tejkalon 79 milionë dollarë dhe një pjesë të të ardhurave nga arka. Përparësitë e tjera në kontratën e Downey përfshijnë udhëtimin me avion privat, sigurinë speciale dhe një “kamp rimorkio” të tërë.

Downey është tashmë anëtari më i paguar i Marvel Cinematic Universe, pasi ka fituar 513 milionë dollarë si Iron Man/Tony Stark, duke luajtur në katër filma “Avengers”, tre filma “Iron Man” dhe duke bërë paraqitje të vogla në “The Incredible Hulk”. “Captain America: Civil War” dhe “Spider-Man: Homecoming”.

Roli i Downey si Doctor Doom u njoftua në Comic-Con në San Diego gjatë fundjavës.

Ndërsa Marvel ka qenë prej kohësh marka dominuese në kinemanë globale, filmat e fundit si vazhdimi i ri i “Ant-Man” dhe “The Marvels” kanë dështuar. Drejtuesit e Marvel shpresojnë se kthimi i Downey do të gjenerojë përsëri miliarda dollarë për titanin e studios.

Kjo do ta bëjë aktorin të tejkalojë pagat e Bruce Willis në “Sixth Sense”, Tom Cruise në “Top Gun: Maverick” dhe Will Smith në “Men in Black 3”, duke e bërë atë yllin më të paguar të filmit të të gjitha kohërave.