8 gota ujë në ditë, mit apo realitet?

Legjendat urbane për shëndetin: Çfarë është e vërtetë dhe çfarë jo?

Shumë këshilla dhe pretendime për shëndetin që dëgjojmë çdo ditë nuk janë të sakta. Ja disa nga mitet më të përhapura, sipas AgroWeb.org:

• 8 gota ujë në ditë? Nuk është e nevojshme të numëroni gotat. Mjafton të pini kur jeni të etur, dhe ushqimet si fruta e perime japin lëngje të nevojshme.
• Veza dëmton zemrën? Studimet e Harvard tregojnë se ngrënia e dy vezëve në ditë nuk rrit rrezikun për sëmundje zemre.
• Ftohja nga i ftohti? Qëndrimi në ajër të ftohtë nuk ju bën domosdoshmërisht të sëmureni. Në fakt, ekspozimi në temperatura të ulëta mund të përmirësojë shëndetin.
• Multivitaminat duhet t’i merrni çdo ditë? Vetëm nëse i rekomandon mjeku. Ato nuk zëvendësojnë ushqimin e shëndetshëm.
• Mëngjesi ndihmon në humbjen e peshës? Mëngjesi ndihmon të mos keni uri, por humbja e peshës varet nga ushqimet që konsumoni gjatë gjithë ditës.
• Sheqeri bën fëmijët hiperaktivë? Nuk ka prova që kjo të jetë e vërtetë. Sjellja e fëmijëve ndikohet nga shumë faktorë, jo vetëm sheqeri.
• Kërcitja e gishtave shkakton artrit? Jo, kjo është vetëm zhurma e gazrave në nyje. Megjithatë, kërcitja e vazhdueshme mund të shkaktojë shqetësime.

Të njohësh të vërtetat nga mitet është e rëndësishme për të mbajtur një shëndet të mirë dhe për të mos u stresuar kot.

Flaka