PSG gati për lëvizjen e madhe në prapavijë

Botuar nga Drin Zenku 14 Qershor, 2025 12:25

PSG, me trofetë e Ligue 1, Kupës dhe Ligës së Kampionëve ende të freskët në kujtesë, ka nisur punën për ndërtimin e një skuadre edhe më të fortë për sezonin e ardhshëm. Luis Enrique, strategu spanjoll që i udhëhoqi drejt sezonit më të suksesshëm të viteve të fundit, ka një kërkesë të qartë: një qendërmbrojtës klasi.

Objektivi kryesor është Illya Zabarnyi, ylli ukrainas i Bournemouth në Premier League. I qëndrueshëm dhe i pjekur në lojë pavarësisht moshës, Zabarnyi shihet si partneri ideal për Marquinhosin dhe trashëgimtari i mundshëm i udhëheqjes në mbrojtje.

Luis Enrique ka pasur edhe kontakte të drejtpërdrejta me lojtarin, duke e informuar për interesin e PSG-së. Problemi i vetëm për momentin është çmimi: 70 milionë euro, një shumë që Bournemouth nuk pranon ta ulë, të paktën në fazën aktuale të negociatave.

Ndërkohë, emra alternativë janë shqyrtuar. Një prej tyre ishte Mario Gila i Lazios, por me rikthimin e Maurizio Sarrit, largimi i tij është thuajse i pamundur – ai pritet të jetë pjesë e pandashme e projektit të ri në “Olimpico”.

Luis Enrique është i vendosur të sigurojë stabilitet dhe cilësi në mbrojtje, pasi është ky repart ai që i ka dhënë skuadrës balancën në sukseset e fundit. PSG nuk do të kursehet në merkato, dhe me emrin e Zabarnyit në krye të listës, “revolucioni” në prapavijë mund të jetë vetëm çështje kohe.

Flaka

Botuar nga Drin Zenku 14 Qershor, 2025 12:25

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.