Mexhiti nuk është si Kasami, falënderon ambasadorin – Meidani: Bashkë mund të arrijmë shumë
Botuar nga Flaka
Në një shkëmbim publik të ngrohtë dhe domethënës, lideri shqiptar Izet Mexhiti ka falënderuar ambasadorin e Shqipërisë në Shkup, z. Denion Meidani, për përkushtimin e tij të sinqertë ndaj çështjeve që prekin shqiptarët në Maqedoninë e Veriut.
“Për fund, dua sinqerisht ta falënderoj ambasadorin Denion Meidani për interesimin e tij të sinqertë,” u shpreh Mexhiti, duke theksuar rolin konstruktiv dhe bashkëpunues të diplomacisë shqiptare në rajon.
Ambasadori Meidani reagoi menjëherë me një mesazh simbolik e plot përgjegjësi:
“Faleminderit Izet! Shqipëria nuk njeh kufij kur është fjala për shqiptarët. 🇦🇱
Për mua është nder dhe përgjegjësi që këtë ta dëshmoj në detyrë. Bashkë mund të arrijmë shumë!”
Ky komunikim vjen në një kohë kur marrëdhëniet ndërshqiptare në rajon kërkojnë më shumë bashkëpunim dhe dinjitet. Në kontrast me qasjet përçarëse të disa figurave politike, si kryetari i Tetovës Bilall Kasami dhe disa vartës të tij që në të kaluarën kanë shprehur qëndrime fyese ndaj ambasadorit shqiptar, Izet Mexhiti po tregon qasje të pjekur dhe institucionale, duke forcuar lidhjet mes shqiptarëve në të dy anët e kufirit.
Ky akt përshëndetet si një shembull pozitiv i bashkëpunimit dhe respektit të ndërsjellë, që u jep shpresë qytetarëve për një përfaqësim më të denjë dhe të bashkuar.
Botuar nga Flaka
Thumbi sot
