Taravari: Partneriteti pa barazi është robëri me buzëqeshje të ngrira
Botuar nga Flaka
Në një deklaratë politike, Arben Taravari ka dhënë një mesazh që vështirë të shpërfillet në realitetin aktual politik në Maqedoninë e Veriut, shkruan Flaka
“Partneriteti pa barazi është robëri e maskuar me shtrëngime duarsh e buzëqeshje të ngrira,” – ka deklaruar Taravari, duke nënvizuar se bashkëpunimet që nuk bazohen në respekt të ndërsjellë dhe përfaqësim të barabartë, janë thjesht një formë e re e nënshtrimit politik.
Kryetari i Aleancës për Shqiptarët, ka shtuar se shqiptarët në Maqedoninë e Veriut nuk duhet të kënaqen me “pozita dekorative apo fotografia me partnerët qeveritarë”, nëse pas atyre pamjeve fshihet diskriminimi institucional dhe përjashtimi nga vendimmarrja reale.
“S’bëhet se nuk vlen!” – ka përfunduar Taravari, duke lënë të kuptohet se heshtja ndaj kësaj gjendjeje do të ishte një tradhti ndaj elektoratit shqiptar dhe interesave të tij të mirëfillta.
Deklarata e Taravarit vjen në një moment kur tensionet për përfaqësimin e shqiptarëve në qeveri janë rritur, dhe gjithnjë e më shumë zëra nga opozita po kërkojnë një qasje më të barabartë dhe më të drejtë në raportet me partnerët maqedonas në pushtet. Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
