Luke Shaw: Synimi është titulli në Premier League
Manchester United vazhdon përgatitjet me intensitet të lartë në Çikago, ku të enjten në mbrëmje do të përballet me Bournemouth në kuadër të Premier League Summer Series. Trajneri Rubem Amorim po punon për të rikthyer skuadrën në nivelet më të larta pas një sezoni zhgënjyes.
Luke Shaw, një nga lojtarët më me përvojë në skuadër, ka folur për objektivat e ekipit dhe gjendjen e tij personale:
“E di që shumicës nuk do i pëlqejë kjo që do të them, pas asaj që ndodhi vitin e kaluar, por synimi duhet të jetë Premier League. Nuk jam i vetmi që mendon kështu; jam i sigurt se e gjithë skuadra ndan të njëjtin synim. Edhe trajneri.”
Shaw ka theksuar se përgatitjet këtë verë po i ndihmojnë shumë, sidomos pas një sezoni të vështirë me dëmtime dhe mungesë forme:
“Vitin e kaluar kisha shumë moral të ulët. Ndihem mirë tani, veçanërisht në këto përgatitje. Nuk pata përgatitje të mjaftueshme, kështu që mendoj se është shumë e dobishme të jem në formë të mirë dhe të stërvitem me skuadrën.”
Manchester United do të përballet me Bournemouth në Soldier Field, Çikago, në një ndeshje që pritet të tregojë nivelin aktual të skuadrës dhe përgatitjen për sezonin e ri.
Flaka
















